Mluntir

Dening: Yudha Riswanto
 

Wayah wengi lingsir..

Aku nglilir,

Swarane gangsir..

Ngancani anggonku mikir

Mikir sliramu sangsaya nyingkir

Aku kuwatir..

Rasaku ketir-ketir

Sliramu sing tak pikir

Amung nganggep aku pasir

Sing kesebul angin sumilir

Apa aku kudu minggir?

Merga atimu wis mluntir..

Ngudi Ngelmu (Geguritan Gambuh)

Dening : Yudha Riswanto

Ayo padha sinau..

Ngudi ngelmu kanggo bekal sangu

Bekal sangu supaya uripmu becik

Urip becik uga makmur

Ora dadi wong kang asor..

Tetulungan (Geguritan Kinanthi)

Dening : Yudha Riswanto

Padha senenga tetulung..

Tetulungan tanpa pamrih

Mugi pikantuk ganjaran

Amal becik saking Gusti

Kanggo sangu mlebu swarga

Supaya uripmu mukti..