Tegesipun Nama Kula

Badhe Nepangaken nama kula Yudha Riswanto. Kula menika mahasiswa Pendidikan Basa Jawi. Kula dipun paringi tugas saking dosen kula Ibu Avi Meilawati S.Pd, MA. Supados madosi tegesipun nama kula.

Yudha Riswanto menika kadadosan saking 2 tembung. “Yudha” menika ibu ngendika tegesipun “Pejuang utawi Perang”. Lajeng “Riswanto”  menika tegesipun “Pengetahuan utawi Kawruh” . Ibu menika maringi kula nama Riswanto amargi gadhahi pangajap kados kancanipun ibu ingkang Asmanipun Agus Riswanto. Ngendikanipun ibu, Agus Riswanto menika priyantunipun pinter sanget saha ibadahipun sregep. Lajeng ibu nggadahi pangajap supados kula saged dados tiyang ingkang pinter saha sregep ibadah.

Saking menika saged dipun dudut menawi ibu maringi nama kula Yudha Riswanto amargi ibu nggadahi pangajab supados kula saged dados tiyang ingkang berjuang pados ilmu utawi kawruh kangge bekal masa depan supados kula saged dados tiyang sukses ananging tetep sregep anggenipun ibadah.

Asal Mulanipun Desa Gondanglegi ing Kabupaten Malang

Desa Gondanglegi inggih menika salah satunggaling desa wonten ing Kabupaten Malang. Kenging menapa desa kula menika saged dipun wastani Gondanglegi? Wonten ing mriki kula badhe ngandharaken asal mulanipun desa kula saged dipun wastani desa Gondanglegi.

Gondanglegi menika sejatosipun kadadosan saking wit gondang. Dados Jaman rumiyin ing desa Gondanglegi menika wonten wit gondang. Wit gondang menika  wit ingkang wohipun pait sanget. Lajeng kenging menapa saged dipun wastani Gondanglegi? Cariyosipun  jaman rumiyin wonten resi ingkang nembe mlampah wonten ing wana. Resi menika asmanipun “Mbah Sogol”. Mbah Sogol menika priyantun ingkang sekti tur ampuh. Mbah sogol menika priyantunipun becik tur sekti sanget. Wonten ing wana menika, Mbah Sogol ngraosaken  ngelih sanget ananging mboten wonten dhaharan ingkang saged dipun dhahar. Lajeng Mbah Sogol mangggihi wonten wit gondang ingkang wohipun pait sanget. Ananging uwoh saking wit gondang ingkang pait sanget menika, nalika dipun dhahar kaliyan Mbah Sogol raosipun malih dados legi. Saking cariyos menika, para warga sarujuk menawi desa kula menikapun diwastani Gondanglegi.  

profil

nama : yudha riswanto

tempat tanggal lahir : malang 12 mei 1997

tempat tinggal : kab.malang desa gondanglegi

profesi: mahasiswa